បើតាមសមត្ថកិច្ចដែលចូលរួម ក្នុងការបង្ក្រាបរថយន្តដឹកឈើរបស់ មេឈ្មួញ តុប វីរ៉ាដា បានឲ្យដឹងថា បើទោះបីជារថយន្ត១គ្រឿងមាន លិខិតអនុញ្ញាតក៏ ដោយ ប៉ុន្តែគេបានផ្ទុកឈើ លើសចំនួនកំណត់លើសពីកា រអនុញ្ញាតនៅក្នុងលិខិត។ ហេតុនេះ ក្រសួងនិងស្ថាប័នពាក់ព័ន្ធគួរពិនិត្យ ឡើងវិញផង ដែរ ព្រោះរ យៈពេលប៉ុន្មានខែចុងក្រោយ នេះមេឈ្មួញ តុប វីរ៉ាដា នៅតែអាចដឹ កជញ្ជូនឈើយ៉ាងពេញបន្ទុក ហើយរថយន្តយីឌុបដឹក ឈើធំៗរបស់មេឈ្មួញ តុប វីរ៉ាដា ធ្វើឲ្យខូចផ្លូវជាតិ និងផ្លូវលំក្នុងខេត្តមណ្ឌលគិរី ជាបន្តបន្ទាប់។ ប្រភពខ្លះបានឲ្យដឹងថា មានតែក្រសួងនិងស្ថាប័នពាក់ព័ន្ធទេ ដែលអាចទប់ស្កាត់សកម្មភាពដឹក ឈើរបស់មេឈ្មួញ តុប វីរ៉ាដា ព្រោះអីមន្ត្រីអាជ្ញាធរ និងសមត្ថកិច្ចក្នុងខេត្តមណ្ឌលគិរី មិនហ៊ានប៉ះពាល់ឈ្មួញរូបនេះឡើយព្រោះខ្លាចអំណាចផ្កាយលើស្មានិងងារជាឧកញ៉ារបស់ឈ្មួញម្នាក់នេះដែលមានខ្នងបង្អែកយ៉ាងរឹងមាំ។
សេចក្ដីរាយការណ៍ពីមន្ត្រីអាជ្ញាធរ និងសមត្ថកិច្ចតូចតាចក្នុងខេត្តមណ្ឌលគិរី បានឲ្យដឹងថា រហូតមកដល់ពេលនេះឧកញ៉ា តុប វីរ៉ាដា ដែលជាឧត្ដមសេនីយ៍យោធាផងនោះនៅតែអាចកាប់ឈើនិងដឹកជញ្ជូនឈើចេញពីស្រុកកោះញែកខេត្តមណ្ឌលគិរី យ៉ាងអនាធិបតេយ្យ។ លោក ស្វាយ សំអ៊ាង អភិបាលខេត្តមណ្ឌលគិរី និងនាយខណ្ឌរដ្ឋបាលព្រៃឈើខេត្តមណ្ឌលគិរី ក៏ដូចជាសមត្ថកិច្ចពាក់ព័ន្ធដទៃទៀតមិនហ៊ានប៉ះពាល់មេឈ្មួញ តុប វីរ៉ាដា នោះទេព្រោះមេឈ្មួញម្នាក់នេះជាមន្ត្រីយោធាជាន់ខ្ពស់នៅយោធភូមិភាគទី១។ ការបង្ក្រាបរថយន្តយីឌុបដឹកឈើរបស់មេឈ្មួញ តុប វីរ៉ាដា កាលពីថ្មីៗកន្លងទៅនេះគ្រាន់តែធ្វើឲ្យល្អមើលប៉ុណ្ណោះ ហើយទីបំផុតឈ្មួញជាឧត្តមសេនីយ៍យោធារូបនេះ នៅតែអាចដឹកឈើតាមអំពើចិត្តដដែល។
កាលពីវេលាម៉ោង១១និង៣៥នាទីយប់ថ្ងៃទី០៥ ខែតុលា ឆ្នាំ២០១៧ រថយន្តយីឌុបធំៗដឹកឈើ២គ្រឿងត្រូវបានកម្លាំងអាវុធហត្ថខេត្តមណ្ឌលគិរីបង្ក្រាបនៅត្រង់ចំណុចក្រុងសែនមនោរម្យ ទីរួមខេត្តមណ្ឌលគិរី។ ក្រោយពេលបង្ក្រាបសមត្ថកិច្ចបានឲ្យដឹងថា រថយន្តយីឌុបដឹកឈើទាំង២គ្រឿងនោះ គឺជារបស់មេឈ្មួញ តុប វីរ៉ាដា ជាឧត្តមសេនីយ៍យោធា និងជាឧកញ៉ាដែលល្បីល្បាញខាងកាប់ឈើនិងដឹកជញ្ជូនឈើយ៉ាងពេញបន្ទុកក្នុងខេត្តមណ្ឌលគិរី។ ប្រភពពីសមត្ថកិច្ចបានឲ្យដឹងថា រថយន្តដឹកឈើ១គ្រឿងបង្កប់ឈើពីក្រោមស្បូវដោយគ្មានលិខិតអនុញ្ញាតពីមន្ត្រីរដ្ឋបាលព្រៃឈើ ហើយរថយន្តយីឌុប១គ្រឿងទៀតមានលិខិតស្នាមពីមន្ត្រីជំនាញ ប៉ុន្តែបានលួចបង្កប់ឈើនៅក្រោមសាក់ស៊ីដោយខុសច្បាប់។ ក្រោយពេលបង្ក្រាបសមត្ថកិច្ចអាវុធហត្ថបញ្ជូនទាំងរថយន្តនិងឈើជាវត្ថុតាងទៅឲ្យខាងរដ្ឋបាលព្រៃឈើខេត្តមណ្ឌលគិរី ចាត់ការតាមនីតិវិធី៕
